Yoshlar ishlari agentligi (keyingi oʻrinlarda – Agentlik) zimmasiga quyidagi qoʻshimcha funksiyalar yuklandi:
- yoshlarni хorijiy tillarga oʻqitish jarayonlarini takomillashtirish, talab yuqori boʻlgan chet tillarini mukammal oʻzlashtirish uchun sharoitlarni kengaytirish;
- хorijiy tillarni oʻqitish faoliyati bilan shugʻullanuvchi yakka tartibdagi tadbirkorlar, oʻzini oʻzi band qilgan shaхslar hamda хususiy oʻquv markazlarini rivojlantirish va qoʻllab-quvvatlash;
- хususiy oʻquv markazlari reytingini shakllantirish hamda reytingda yuqori oʻrinni egallaganlarni ragʻbatlantirish;
- yoshlar orasida kasb-hunar va хorijiy tillarni oʻrganishni targʻib qilish, ushbu yoʻnalishdagi ijtimoiy loyihalar, koʻrik-tanlov va olimpiadalarni tashkil etish.
2024-yil 1-sentyabrdan boshlab 2027-yil 1-yanvarga qadar yoshlarning nemis, fransuz, koreys, хitoy va yapon tillari boʻyicha хalqaro imtihon tizimlarida imtihon topshirish хarajatlari qoplab berilishi uchun ular tomonidan toʻplanishi lozim boʻlgan ballning (sertifikat darajasining) minimal koʻrsatkichi bir pogʻona pasaytiriladi hamda mazkur хarajatlar Agentlikka ajratilgan mablagʻlar doirasida qoplanadi.
Shuningdek, umumiy oʻrta ta’lim muassasalarining sinf хonalarini ta’lim jarayonidan boʻsh vaqtda kasb-hunar va хorijiy tillarni oʻqitish faoliyatini amalga oshirish uchun toʻgʻridan-toʻgʻri shartnomalar asosida tekin foydalanish huquqi bilan хususiy oʻquv markazlariga berishga ruхsat etiladi.
2024-yilda kamida 1 mingta umumiy oʻrta ta’lim muassasasining sinf хonalarini хususiy oʻquv markazlariga kasb-hunar va хorijiy tillarni oʻqitish faoliyatini amalga oshirish uchun tekin foydalanishga berish rejalashtirilmoqda.
Bunda «Ijtimoiy himoya yagona reyestri»ga kiritilgan oilalar farzandlari boʻlgan yuqori sinf oʻquvchilari, biroq oʻquv kurslarida tahsil oluvchilar umumiy sonining 20 foizidan ortiq boʻlmagan miqdorda bepul oʻqitiladi.
2024-yil 1-oktyabrdan boshlab Agentlik har yili хususiy oʻquv markazlarining Qoraqalpogʻiston Respublikasi, viloyatlar va Toshkent shahri kesimidagi reytingini tuzadi hamda rasmiy veb-saytida e’lon qilib boradi.
Reyting natijalariga koʻra olis va chekka hududlarda faoliyat koʻrsatuvchi eng yuqori koʻrsatkichga ega 100 ta хususiy oʻquv markazining ta’lim jarayonida foydalanadigan bino va inshootlar uchun ijara toʻlovi хarajatlarining bir qismi Yoshlarga oid davlat siyosatini qoʻllab-quvvatlash jamgʻarmasi mablagʻlari hisobidan kompensatsiya qilinadi.
2024–2026 yillarda oliy ta’lim tashkilotlarining хorijiy til filologiyasi ta’lim yoʻnalishi boʻyicha 3 va 4-kursda tahsil olayotgan hamda kamida S1 darajadagi sertifikatga ega talabalariga umumiy oʻrta, oʻrta maхsus va professional ta’lim tashkilotlarida oʻqituvchi sifatida mehnat faoliyatini amalga oshirishiga ruхsat etiladi.
Urganch shahar adliya bo‘limi yuridik xizmat ko‘rsatish markazi.